លោក​ Bernd Stange ដែល​ទើប​ទទួល​តំណែង​ជា​គ្រូ​បង្វឹក​ឈុត​ធំ​សិង្ហបុរី​ បាន​បង្ហាញ​បញ្ជី​ឈ្មោះ​កីឡាករ​២៣​នាក់​របស់​ខ្លួន​ សម្រាប់​ការ​ប្រកួត​មិត្តភាព​ជាមួយ​មីយ៉ាន់ម៉ា​ និង​ឡាវ​ ដែល​ក្នុង​នោះ​មាន​ខ្សែ​បម្រើ​មួយ​រូប​ មាន​អាយុ​ទើប​តែ​១៧​ឆ្នាំ​ប៉ុណ្ណោះ។​
ក្នុង​ចំណោម​កីឡាករ​ទាំង​២៣​​​នាក់​ដែល​បាន​ជ្រើសរើស​ អតីត ​ប្រធាន​ក្រុម​ជម្រើស​ជាតិ​អាយុ​ក្រោម​១៦​ឆ្នាំ​ Adam Swandi គឺ​ជា​កីឡាករ​ក្មេង​ជាង​​គេ​បង្អស់។​ អ្នក​ចាត់​ការ​ក្រុម​លោក​ Azrulnizam Shah គូស​បង្ហាញ​ថា៖​ “យើង​ជា​ក្រុម​មួយ​រួម​បញ្ចូល​រវាង​កីឡាករ​សម្បូរ​បទពិសោធន៍​ជាមួយ​ក្មេងៗ​ ដែល​មាន​ឆន្ទៈ​ខ្ពស់​។ ​នេះ​ជួយ​ឲ្យ​សិង្ហបុរី​មាន​សមត្ថភាព​គ្រប់គ្រាន់​​ដើម្បី​ប្រកួត​ប្រជែង​ និង​អាច​បណ្តុះ​យុវជន​ច្រើន​ថែម​ទៀត​សម្រាប់​ជម្រើស​ជាតិ​យើង។​”
“មាន ​កីឡាករ​មួយ​ចំនួន​ ទើប​នឹង​ចូល​រួម​ជា​លើក​ទី​មួយ​ ហើយ​យើង​សង្ឃឹម​ថា​ កីឡាករ​សិស្ស​ច្បង​ទាំង​ឡាយ​នឹង​ជួយ​បង្ហាញ​ផ្លូវ​ល្អ​ៗ​ដល់​ពួក​គេ។​ នា​ពេល​ខាង​មុខ​ ក្មេង​ៗ​ដែល​បង្ហាញ​សមត្ថភាព​បាន​ល្អ​ក្នុង​ក្លិប​របស់​គេ​ ហើយ​មាន​ការ​តាំង​ចិត្ត​ខ្ពស់​ នឹង​ត្រូវ​បាន​ទទួល​ការ​ពិចារណា​សម្រាប់​ការ​ហៅ​ចូល​ក្រុម​ជម្រើស​ជាតិ​ សាជាថ្មី។” អ្នក​ចាត់​ការ​ខាង​លើ​បញ្ជាក់​បន្ថែម។​
ល.រ​ឈ្មោះ​អាយុ​តំណែង​លេង​មក​ពី​ក្លិប​
១​Izwan Mahbud ២៣​ឆ្នាំ​អ្នកចាំទីLionsXII
២​Hassan Sunny ២៩​ឆ្នាំអ្នកចាំទីWarriors
៣​Faritz Hameed ២៣​ឆ្នាំខ្សែ​ការពារ​LionsXII
៤​Shakir Hamzah ២១​ឆ្នាំខ្សែ​ការពារ​LionsXII
៥​Safuwan Baharudin ២២​ឆ្នាំខ្សែ​ការពារ​LionsXII
៦​Baihakki Khaizan២៩​ឆ្នាំខ្សែ​ការពារ​LionsXII
៧​Afiq Yunos ២៣​ឆ្នាំខ្សែ​ការពារ​Courts Young Lions
៨​Noh Rahman ៣២​ឆ្នាំខ្សែ​ការពារ​Home United
៩​Shaiful Esah ២៦​ឆ្នាំខ្សែ​ការពារ​Tampines Rovers
១០​Rosman Sulaiman ២៩​ឆ្នាំខ្សែ​ការពារ​Woodlands Wellington
១១​Shariff Samat ២៩​ឆ្នាំខ្សែ​ការពារ​Woodlands Wellington
១២​Faris Ramli២១​ឆ្នាំខ្សែ​បម្រើ​LionsXII
១៣​Gabriel Quak ២៣​ឆ្នាំខ្សែ​បម្រើ​LionsXII
១៤​Shahril Ishak ២៩​ឆ្នាំខ្សែ​បម្រើ​LionsXII
១៥​Hariss Harun ២៣​ឆ្នាំខ្សែ​បម្រើ​LionsXII
១៦​Isa Halim ២៧​ឆ្នាំខ្សែ​បម្រើ​LionsXII
១៧​Adam Swandi១៧​ឆ្នាំខ្សែ​បម្រើ​FC Metz
១៨​Hafiz Nor ២៥​ឆ្នាំខ្សែ​បម្រើ​Tanjong Pagar United
១៩​Shahdan Sulaiman២៤​ឆ្នាំខ្សែ​បម្រើ​Tampines Rovers
២០​Qiu Li ៣២​ឆ្នាំខ្សែ​ប្រយុទ្ធ​Balestier Khalsa
២១​Indra Sahdan ៣៤​ឆ្នាំខ្សែ​ប្រយុទ្ធ​Home United
២២​Khairul Amri ២៨​ឆ្នាំខ្សែ​ប្រយុទ្ធ​Tampines Rovers
២៣​Sufian Anuar ២៦​ឆ្នាំខ្សែ​ប្រយុទ្ធ​Warriors
ឈុត ​ធំ​របស់​សិង្ហបុរី​នេះ​ នឹង​ត្រូវ​សាក​កម្លាំង​ជាមួយ​មីយ៉ាន់ម៉ា​នៅ​ថ្ងៃ​ទី​ ០៤ ខែ​ មិថុនា មុន​ពេល​ប៉ះ​ជាមួយ​ឡាវ​នៅ​បី​ថ្ងៃ​បន្ទាប់។​
ប្រិយមិត្ត​យល់​យ៉ាង​ណា​ដែរ​ចំពោះ​មួយ​ឈុត​របស់​សិង្ហ​បុរី​នេះ?​

ប្រែ​សម្រួល​ដោយ៖​ រស់ កាណាល់
ប្រភព៖​ channelnewsasia