| Where happiness comes true

Apple ប្រកាសចេញនូវ iPad Air និង iPad mini Retina ដូចការរំពឹងទុក

9:20 AM |

កាល ពីយប់ថ្ងៃម្សិលមិញនេះ នៅឯទីក្រុងសានហ្វ្រានស៊ីស្កូ ក្រុមហ៊ុន Apple បានប្រកាសចេញជាផ្លូវការនូវកុំព្យូទ័របន្ទះស្តើងជំនាន់ថ្មី ដែលមានឈ្មោះថា iPad Air និង iPad mini Retina បន្ទាប់ពីក្រុមហ៊ុននេះលក់ iPad បានប្រមាណ 170 លានគ្រឿងកន្លងមក។ iPad Air មានកម្រាស់ត្រឹម 7.5 មិល្លីម៉ែត្រ និងទម្ងន់ត្រឹម 469 ក្រាម ស្តើងនិងស្រាលជាងមុន ។ វាមានរាងដូចទៅនឹង iPad mini មានស៊ុមអេក្រង់សងខាងស្តើងជាងមុន 43% លោកអ្នកមានជម្រើសពីរពណ៌ ស និង ប្រផេះ ប៉ុន្តែមិនមានពណ៌មាសដូចពាក្យចចាមអារ៉ាមនោះទេ។

1-Screen-Shot-2013-10-22-at-11.31.07-AM-731

iPad Air ដំណើរដោយ iOS 7 និងមានបំពាក់នូវ CPU A7 និង GPU ដែលមានល្បឿនលឿនជាងមុន 72 ដង។ វាក៏មានបំពាក់ផងដែរនូវកាមេរ៉ា 5MP iSight វាអាចចាប់យកវីឌីអូនូវកម្រិត 1080p Full HD ជាមួយនឹងកាមេរ៉ាខាងមុខ វាបានបន្ថែមនូវឧបករណ៍ស្រូបសម្លេងភ្លោះ ។ ថ្មីកាន់បានរហូតដល់ ១០ម៉ោង ។

សម្រាប់ iPad Air – WiFi មានតម្លៃចាប់ពី $499 សម្រាប់ទំហំ 16GB ឬ $599 សម្រាប់ 32GB ឬ $699 សម្រាប់ 64GB ឬ $799 សម្រាប់ 128GB ។ ចំណែកឯ iPad Air - WiFi + Cellular មានតម្លៃចាប់ពី $629 សម្រាប់ទំហំ 16GB ឬ $729 សម្រាប់ 32GB ឬ $829 សម្រាប់ 64GB ឬ $929 សម្រាប់ 126GB ។ ចំពោះ iPad mini Retina គឺមានរូបរាងដូចគ្នាទៅនឹង iPad mini អ្វីដែលថ្មីគឺនៅត្រង់ អេក្រង់ Retina ដែលមានភាពច្បាស់ 2048 x 1536p ស្មើគ្នានឹង iPad អេក្រង់ 9.7″ វាមានបំពាក់ CPU A7 64-bit ដូច iPad Air និង iPhone 5S នឹងមានដាក់លក់នៅក្នុងខែវិច្ឆិកាខាងមុខ ។ សម្រាប់ iPad mini Retina – WiFi មានតម្លៃចាប់ពី $399 សម្រាប់ទំហំ 16GB ឬ $499 សម្រាប់ 32GB ឬ $599 សម្រាប់ 64GB ឬ $699 សម្រាប់ 128GB ។ ចំណែកឯ iPad mini Retina - WiFi + Cellular មានតម្លៃចាប់ពី $529 សម្រាប់ទំហំ 16GB ឬ $629 សម្រាប់ 32GB ឬ $729 សម្រាប់ 64GB ឬ $829 សម្រាប់ 128GB ។ តើអ្នកគិតថាវាជាការវិវឌ្ឍន៍ថ្មីរបស់ Apple ដែលគួរអោយចាប់អារម្មណ៍ដែរទេ? សូមបញ្ចេញមតិខាងក្រោយ។ ប្រភព៖ Apple

Read User's Comments0

Dell បញ្ចេញកុំព្យូទ័របន្ទះស្ដើង Venue 7 និង Venue 8 តម្លៃ $149 & $179 [updated]

9:14 AM |

បច្ចុប្បន្ន នេះគេសង្កេតឃើញថា Dell ដែលជាក្រុមហ៊ុនមួយដែលមានឈ្មោះបោះសម្លេងក្នុងចំណោមក្រុមហ៊ុន ផលិតកុំព្យូទ័រល្បីៗទូទាំងពិភពលោកកុំពុងតែចូលខ្លួនបណ្ដើមយក ចំណែកទីផ្សារពីការលក់កុំព្យូទ័របន្ទះស្ដើង ព្រោះថានៅខណៈដែលទីផ្សារកុំព្យូទ័របន្ទះស្ដើងកំពុង មានសន្ទុះរីកចម្រើននោះ Dell ក៏បានបញ្ចេញកុំព្យូទ័របន្ទះស្ដើងរបស់ខ្លួនជាច្រើនម៉ូដែលរួចមក ហើយ ។ កុំព្យូទ័របន្ទះស្ដើងរបស់ក្រុមហ៊ុន Dell ធ្លាប់បានចេញនាពេលកន្លងមកមានដូចជា Dell XPS 12, Dell XPS 18 និង Dell Venue 8 (Windows 8.1) ជាដើម ហើយដើម្បីបន្ថែមនូវជម្រើសជាច្រើនទៀតដល់អតិថិជនរបស់ខ្លួននោះ ថ្មីៗនេះ Dell បានបញ្ចេញនូវកុំព្យូទ័របន្ទះស្ដើងចំនួនពីរម៉ូដែលទៀតទៅលើទីផ្សារ គឺ Dell Venue 7 និង Venue 8 (ដំណើរការដោយ Android 4.2.2 និងអាចដំឡើងទៅកំណែរ 4.3) ។

លក្ខណសម្បត្តិបច្ចេកទេសរបស់កុំព្យូទ័របន្ទះស្ដើងទាំងពីរមានដូចខាងក្រោម៖
Dell Venue 7

អេក្រង់ទំហំ 7-inch កម្រិតភាពច្បាស់នៃអេក្រង់ 1,280 x 800 pixels
CPU Dual-core 1.6GHz (Intel Atom)
RAM 2 GB
អង្គផ្ទុកទិន្នន័យជាប់ម៉ាស៊ីនទំហំ 16 GB (អាចបន្ថែម microSD card 32 GB)
កាមេរ៉ាមុខ VGA និង កាមេរ៉ាក្រោយទំហំ 3 MP

Dell Venue 8

អេក្រង់ទំហំ 8-inch
កម្រិតភាពច្បាស់ 1,280 x 800 pixels
CPU 2GHz
អង្គផ្ទុកទិន្នន័យជាប់ម៉ាស៊ីនទំហំ 32 GB
កាមេរ៉ាមុខទំហំ 2 MP និង កាមេរ៉ាក្រោយទំហំ 5 MP

សូមបញ្ជាក់ថាកុំព្យូទ័របន្ទះស្ដើងទាំងពីរសុទ្ធតែមាន Wi-Fi, Bluetooth 4.0, GPS, microsUSB port ដូចៗគ្នា ។ មិនទាន់មានប្រភពណាអាចបញ្ជាក់ថា Dell Venue ទាំងពីរម៉ូដែលនឹងមកដល់ទីផ្សារកម្ពុជាយើងនៅថ្ងៃណានោះទេ សូមប្រិយមិត្តរង់ចាំសាកសួរតាមហាងលក់កុំព្យូទ័រ ឬ ទូរស័ព្ទនានាក្នុងរាជធានីភ្នំពេញ ៕
[Updated] : បើ យោងតាមប្រភពពីគេហទំព័រ GSMarena បានឲ្យដឹងថាកុំព្យូទ័របន្ទះស្ដើងទាំងពីរសុទ្ធតែអាចដាក់ស៊ីមកាត បាន (micro-SIM) ។ រីឯថាមពលថ្មវិញគឺ 4100 mAh (ដូចគ្នា) ។

Read User's Comments0

ក្រុមហ៊ុន Micromax ប្រកាសចេញទូរស័ព្ទ Canvas Turbo (A250) តម្លៃប្រហែល $325

9:10 AM |

Micromax គឺជាក្រុមហ៊ុនផលិតទូរស័ព្ទដៃធំជាងគេលំដាប់លេខ១២ របស់ពិភពលោក និងមានមូលដ្ឋាននៅប្រទេសឥណ្ឌា នេះបើផ្អែកលើរបាយការណ៍របស់ក្រុមហ៊ុនជ្រាវជ្រាវទីផ្សារ Strategy Analytics ។ ទូរស័ព្ទទំនើបរបស់ក្រុមហ៊ុនមួយនេះមានការពេញនិយមខ្លាំងនៅទីផ្សារឥណ្ឌា និង អឺរ៉ុប ជាក់ស្ដែងកាលពីដើមឆ្នាំ២០១៣ នេះមានព័ត៌មានមួយថាក្រុមហ៊ុន Micromax បានប្រកាសចេញទូរស័ព្ទទំនើបម៉ូដែល A116 Canvas HD និងលក់អស់ពីស្ដុកក្នុងរយៈពេលត្រឹមតេ ១៥ នាទី បន្ទាប់ពីដាក់ឲ្យបញ្ជាទិញនៅលើគេហទំព័រផ្ទាល់របស់ក្រុមហ៊ុន ។ ដោយឡែកកាលពីថ្ងៃម្សិលមិញនេះក្រុមហ៊ុន Micromax បានបញ្ចេញនូវទូរស័ព្ទទំនើបមួយម៉ូដែលទៀតគឺ Canvas Turbo (A250) ដែលមានតម្លៃប្រហែល $325 ជាមួយនឹងលក្ខណសម្បត្តិបច្ចេកទេសដូចខាងក្រោម៖

អេក្រង់ទំហំ 5-inch
បច្ចេកវិទ្យាអេក្រង់ SHARP CGS
កម្រិតភាពច្បាស់ 1,920 x 1,080p full HD
CPU Quad-core 1.5GHz
RAM 2 GB
អង្គផ្ទុកទិន្នន័យជាប់ម៉ាស៊ីនទំហំ 16 GB
មាន Wi-Fi, Bluetooth 4.0,
កាមេរ៉ាមុខទំហំ 5 MP និង កាមេរ៉ាក្រោយទំហំ 13 MP
ដំណើរការដោយប្រព័ន្ធប្រតិបត្តិការ Android 4.2.1 Jelly Bean
ថាមពលថ្ម 2,000mAh

សូមបញ្ជាក់ថាក្រុមហ៊ុន Micromax នឹងចាប់ផ្ដើមបញ្ចេញ Canvas Turbo (A250) ទៅលើទីផ្សារប្រទេសឥណ្ឌានៅថ្ងៃស្អែកនេះ ដោយលក់ក្នុងតម្លៃប្រហែល $325 ។ ដោយឡែកសម្រាប់ទីផ្សារប្រទេសផ្សេងទៀតគ្មានប្រភពណាអាចបញ្ជាក់នៅឡើយទេ ៕

ក្រោយពីពិនិត្យលើលក្ខណសម្បត្តិបច្ចេកទេសរបស់ Canvas Turbo (A250) តើប្រិយមិត្តយល់ដូចម្ដេចដែរ ? ហើយប្រិយមិត្តចង់ឃើញវត្តមានទូរស័ព្ទទំនើបនេះក្នុងទីផ្សារ ព្រះរាជាណាចក្រកម្ពុជាយើងដែរឬទេ ?

Read User's Comments0

ប្រធានាធិបតីអូបាម៉ាឈ្នះជ័យលាភីរង្វាន់ណូបែលសន្តិភាពបែរជាមានជំហរធ្វើសង្គ្រាម

12:29 AM | Labels: ពត៌មាន អន្តរជាតិ

នៅ ពេលដែលប្រធានាធិបតីអូបាម៉ាធ្វើដំណើរទៅទីក្រុងអូសឡូ ប្រទេសន័រវែល ដើម្បីទទួលរង្វាន់ ណូបែលសន្តិភាពនៅក្នុងឆ្នាំ២០០៩ លោកក៏មិន បានដឹងអំពីអ្វីដែលបានធ្វើ និង អ្វីដែលសមនឹងទទួលបាននូវរង្វាន់នេះផង។

លោកអូបាម៉ាបាននិយាយនៅក្នុងសន្ទរកថាទទួលរង្វាន់នេះថា «ប្រហែលជា ប្រកាសដែលហ៊ុំ ព័ទ្ធការទទួលរបស់ខ្ញុំនូវរង្វាន់នេះ តាមការពិតនោះគឺខ្ញុំជាអគ្គមេបញ្ជាការកង ទ័ពរបស់ប្រទេសមួយ នៅក្នុងចំណោមសង្គ្រាម២»។ គឺរយៈពេលតែ៥ឆ្នាំប៉ុណ្ណោះចាប់តាំងពីពេលនោះមកដែលលោក អូបាម៉ា ឥឡូវនេះកំពុងតែប្រឈមនឹងសេចក្តីសម្រេចលើកទី២អំពីថាតើនឹងបញ្ជូន កងកម្លាំងប្រដាប់ អាវុធអាមេរិកទៅធ្វើសង្គ្រាមនៅបរទេស ឬក៏យ៉ាងណានោះ។

Read User's Comments0

បាក់ឌុបឆ្នាំនេះ និទ្ទេស A ៨៦នាក់ និងនិទ្ទេស B ជាង៥ពាន់នាក់

12:20 AM | Labels: ពត៌មាន ជាតិ

- មន្រ្តីក្រសួងអប់រំ៖ ការជាប់ធ្លាក់របស់សិស្ស ស្ថិតនៅលើសមត្ថភាព
ភ្នំពេញ៖ សិស្សប្រឡងមធ្យមសិក្សាទុតិយភូមិ (បាក់ឌុប) ក្នុងឆ្នាំសិក្សា២០១២-២០១៣ អ្នកជាប់និទ្ទេស A មានចំនួនតិចជាងការប្រឡងឆ្នាំទៅ ពោលឆ្នាំនេះ មានសិស្សជាប់និទ្ទេស A ចំនួន ៨៦នាក់ ខណៈឆ្នាំសិក្សា ២០១១-២០១២ មានរហូតដល់ ១០៥នាក់។ មន្រ្តីក្រសួងអប់រំបញ្ជាក់ថា ការជាប់ធ្លាក់ច្រើន ឬតិចអាស្រ័យលើសមត្ថភាព របស់សិស្សពីមួយជំនាន់ទៅមួយជំនាន់ មិនមែនព្រោះការបែកធ្លាយវិញ្ញាសារដូចការចោទប្រកាន់ គ្មានមូលដ្ឋាននោះទេ។
លទ្ធផលប្រឡងបាក់ឌុបឆ្នាំសិក្សា ២០១២-២០១៣ ត្រូវបានក្រសួងអប់រំ យុវជន និងកីឡា ប្រកាសឲ្យដឹងហើយ កាលពីថ្ងៃទី៣០ ខែសីហា ឆ្នាំ២០១៣។ ការប្រឡងបាក់ឌុបឆ្នាំនេះ សិស្សដែលបានប្រឡងជាប់មានចំនួន ៩១.៣ ៧០នាក់ ស្មើប្រមាណ ៨៦,៧៧ភាគរយ កើនជាងឆ្នាំកន្លងទៅ ០,២៩ភាគរយ។

លោក អ៊ឹង ង៉ោហុក ប្រធាននាយកដ្ឋានមធ្យមសិក្សាចំណេះដឹងទូទៅ នៃក្រសួងអប់រំ យុវជន និង កីឡា បានថ្លែង ប្រាប់មជ្ឈមណ្ឌលព័ត៌មានដើមអម្ពិលឲ្យដឹងផងដែរថា សិស្សជាប់និទ្ទេស A ទូទាំងប្រទេសនៅឆ្នាំនេះ មានចំនួន ៨៦នាក់ ខណៈនិទ្ទេស B មានរហូតដល់ជាង ៥ពាន់នាក់។

Read User's Comments0

ស្រីស្អាតបើក រថយន្តលុច្សស៊ីស ដាច់រ៉ូទីល នាំឲ្យកកស្ទះ ចរាចរជាង ១ម៉ោង

12:15 AM | Labels: ពត៌មាន ជាតិ

ភ្នំពេញ ៖ ស្រីស្អាតម្នាក់អាយុជាង ២០ឆ្នាំ ដែលគេមិនស្គាល់អត្តសញ្ញាណ រួមដំណើរដោយនារីវ័យក្មេង ២នាក់ ផ្សេងទៀត ពេលកំពុងបើករថយន្តតាមបណ្តោយផ្លូវសហព័ន្ធរុស្ស៊ី លុះដល់ភូមិបប្រ៉កខាងជើង សង្កាត់កាកាប ខណ្ឌពោធិ៍សែនជ័យ ស្រាប់តែរថយន្ត ដាច់រ៉ូទីល( កន្លែងកាច់ចង្កូត) បណ្តាលឲ្យកកស្ទះ ចរាចរអស់ជាង ១ម៉ោង កាលពីវេលាម៉ោង ១១និង១០នាទីព្រឹកថ្ងៃទី៣១ខែសីហា ឆ្នាំ២០១៣ នេះ។

សេចក្តីរាយការណ៍ពីកន្លែងកើតហេតុ បានឲ្យដឹងថា ស្រីស្អាតរូបនេះ បើករថយន្តលុច្សស៊ីសតូច LS 400 ពណ៌ស្ករ ពាក់ស្លាកលេខភ្នំពេញ 2D-1645 ប៉ុន្តែគ្មាននរណាម្នាក់ស្គាល់អត្តសញ្ញាណនោះទេ ហើយពេល ជួបរឿងនេះ គេ ឃើញមនុស្សម្នាក់ប្រហែលជាបងប្អូន បាននាំជាងមកជួសជុលរថយន្តនៅកន្លែងខូច រហូត ដល់ម៉ោងជាង ១២ ថ្ងៃត្រង់ទើបធ្វើហើយ រួចក៏បើកចេញទៅទាំងមិនបានអរគុណមួយម៉ាត់ ដល់សមត្ថកិច្ច ដែលខំសម្រួលចរាចរ នៅទីនោះឡើយ។
យ៉ាងណាក៏ដោយ ក្រោយមានករណីនេះកើតឡើង ដែលនាំឲ្យមានការកកស្ទះចរាចរនោះ គេបានឃើញ កម្លាំង នគរបាលចរាចរ និងកម្លាំងនគរបាលមូលដ្ឋានចុះទៅអន្តរាគមន៍ ជួយសម្រួលចរាចរ ប៉ុន្តែមិនទទួល ពាក្យអរគុណ មួយម៉ាត់ពីម្ចាស់រថយន្តនោះទេ៕

Read User's Comments0

កូនប្រុសលោកផ្កាយ៣ សុខ ភាព បើករថយន្តវីហ្គោ បុកស្ត្រីម្នាក់ស្លាប់ និងរបួស ៤នាក់

12:04 AM | Labels: ពត៌មាន ជាតិ

ខេត្តបន្ទាយមានជ័យ ៖ រថយន្តវីហ្គោ ពណ៌សមួយគ្រឿង ពាក់ស្លាកលេខ បន្ទាយមានជ័យ 2A-2841 ដែលបង្កគ្រោះថ្នាក់ចរាចរណ៍ កាលពីវេលាម៉ោងជាង ១០យប់ ថ្ងៃទី២៩ ខែសីហា ឆ្នាំ២០១៣ ស្ថិតក្នុងភូមិកូនដំរី សង្កាត់និមិត្តក្រុងប៉ោយប៉ែត បណ្តាលឱ្យស្ត្រីម្នាក់ស្លាប់ និងបុរស ៤នាក់ទៀត រងរបួសធ្ងន់នោះ ត្រូវបានសមត្ថកិច្ចតាមស្រាវជ្រាវ រកឃើញចតទុកចោលនៅក្នុងដីឡូត៍មួយកន្លែង នៅតាមកំណាត់ផ្លូវជាតិលេខ៥ មុខសណ្ឋាគារ ប៉ោយប៉ែតផាស ក្នុងភូមិក្បាលស្ពាន១ ក្រុងប៉ោយប៉ែត ដែលគេស្គាល់ថាជារបស់ លោកឧត្តមសេនីយ៍ឯក សុខ ភាព ជាមន្ត្រីយោធាជាន់ខ្ពស់ក្នុងក្រសួងការពារជាតិ ។

សមត្ថកិច្ចបានអូសរថយន្តបង្កហេតុ មករក្សាទុកដើម្បីដោះស្រាយតាមច្បាប់ ហើយគេសង្ស័យថា កូនប្រុសលោកផ្កាយ៣ សុខ ភាព គឺជាអ្នកបើករថយន្ត បុកមនុស្សស្លាប់ម្នាក់ និងរបួសចំនួន ៤នាក់ ។ ជនរងគ្រោះទាំង៥នាក់រួមមាន ១-ឈ្មោះ នូ ភារម្យ ភេទស្រី អាយុ២៨ឆ្នាំ ស្លាប់ភ្លាមៗនៅកន្លែងកើតហេតុ ២-ឈ្មោះ សេង ស៊ីណាឌី ភេទប្រុស អ្នករត់ម៉ូតូឌុប ៣-ឈ្មោះ ឃុន សុខា ភេទប្រុស អាយុ៣២ឆ្នាំ អ្នករត់ម៉ូតូឌុប ៤-ឈ្មោះ សេង ឌីណាមករា ភេទប្រុស អាយុ២៥អ្នករត់ម៉ូតូឌុប និង៥-ឈ្មោះ តុល វុទ្ធី ភេទប្រុស អាយុ២៣ឆ្នាំ អ្នករត់ម៉ូតូឌុប ជនរងគ្រោះទាំង ៤នាក់នេះរស់នៅក្រុងប៉ោយប៉ែត រងរបួសធ្ងន់ស្រាល។

មុនពេលកើតហេតុគេបានឃើញរថយន្តបង្កហេតុ បើកយ៉ាងលឿនរេពេញផ្លូវ ក្នុងទិសដៅពីលិចទៅកើត មកដល់ចំណុចខាងលើ បានរេចង្កូតទៅបុកម៉ូតូរបស់ ស្ត្រីរងគ្រោះដែរកំពុងតែជិះមិនដឹងខ្លួន ហើយបានហួស ទៅបុកក្រុមអ្នករត់ម៉ូតូឌុប ដែលកំពុងចតចាំដឹកម៉ូយ នៅមុខសណ្ឋាគារ ប៉ោយប៉ែតផាស បណ្តាលឲ្យស្រីម្នាក់ស្លាប់ ហើយបុរស ៤នាក់ទឪតបានរបួស ធ្ងន់ស្រាល។ ឃើញដូច្នោះអ្នកបើករថយន្តមិនបានចុះមកមើលទេ បែជាបន្ថែមល្បឿនបើករត់អស់ ជាច្រើនគីឡូម៉ែត្រ យករថយន្តទៅលាក់ក្នុងដីឡូត៍ របស់លោកផ្កាយ៣ សុខ ភាព ហើយត្រូវបានសមត្ថកិច្ច មកតាមអូសដល់ផ្ទះ៕

Read User's Comments0

Where happiness comes true

Labels

flag

Total Pageviews

Popular Posts

Translate

Categories

Labels

About Me

ប្រទេសចូលទស្សនា

Archives

Apple ប្រកាសចេញនូវ iPad Air និង iPad mini Retina ដូចការរំពឹងទុក

Dell បញ្ចេញកុំព្យូទ័របន្ទះស្ដើង Venue 7 និង Venue 8 តម្លៃ $149 & $179 [updated]

ក្រុមហ៊ុន Micromax ប្រកាសចេញទូរស័ព្ទ Canvas Turbo (A250) តម្លៃប្រហែល $325

ប្រធានាធិបតីអូបាម៉ាឈ្នះជ័យលាភីរង្វាន់ណូបែលសន្តិភាពបែរជាមានជំហរធ្វើសង្គ្រាម

បាក់ឌុបឆ្នាំនេះ និទ្ទេស A ៨៦នាក់ និងនិទ្ទេស B ជាង៥ពាន់នាក់

ស្រីស្អាតបើក រថយន្តលុច្សស៊ីស ដាច់រ៉ូទីល នាំឲ្យកកស្ទះ ចរាចរជាង ១ម៉ោង

កូនប្រុសលោកផ្កាយ៣ សុខ ភាព បើករថយន្តវីហ្គោ បុកស្ត្រីម្នាក់ស្លាប់ និងរបួស ៤នាក់