Where happiness comes true

សើចហើយសើចទៀតមិនដឹងគួរឲ្យសើចត្រង់ណា(ពឹងរថភ្លើងដកធ្មេញ)

12:07 AM |

បន្ទាប់ពីប្រឹងប្រែង៣ម៉ោងនៅតែដកធ្មេញមួយដើមឱ្យអតិថិជនរបស់ខ្លួនមិនបាន លោកទន្តបណ្ឌិតគ្រវីក្បាលៈ
- ធ្មេញបងឯងមាំដូចបុកគ្រឹះបេតុងអីុចឹង ទាល់តែកម្លាំងរថភ្លើងទើបដកចេញបាន ។ លោកទៅផ្ទះវិញចុះ ចាំពេលណាឈឺខ្លាំងសឹមត្រឡប់មកវិញទៀត ។
៣ថ្ងៃក្រោយស្រាប់តែជួបគ្នាដោយចែដន្យតាមផ្លូវ លោកទន្តបណ្ឌិតសួរអតិថិជនរបស់ខ្លួនៈ
-ម៉េចហើយ?ធ្មេញនៅឈឺទៀតទេ?
-បានអីឈឺទៀតបើខ្ញុំដកវាចោលបាត់ហើយ
-ធ្វើម៉េចដកបាន?
- ខ្ញុំធ្វើតាមសំដីលោកនិយាយ ចងវាភ្ជាប់ជាមួយទូរថភ្លើងក្រោយបង្អស់ ។ ប៉ុន្តែបន្ទាប់ពីជួយឱ្យខ្ញុំដកធ្មេញឈឺចោលបាន ទូរថភ្លើងនោះក៏ធ្លាក់ផ្លូវក្រឡាប់ដែរ ៕

បញ្ចូលអត្ថបទ ៖ ស្រីណា កោះ

ថ្ងៃព្រហស្បត្ត៏ ទី២ ខែឧសភា ឆ្នាំ២០១៣ ម៉ោង ០៨:១២

Read User's Comments0

អ្នកជំនាញ Smartphone និយាយពីមូលហេតុសាកថ្មឡើងកម្ដៅរហូតដល់ឆេះ

11:51 PM |

ផ្សាយក្នុងផ្នែក ព័ត៌មានបច្ចេកវិទ្យា ដោយ dy.bunnara កាលពី 3 hours ago

ថ្មីៗនេះ មានលេចចេញរូបភាពមួយបង្ហាញអំពីការសាកថ្មទូរសព្ទដ៏ ទំនើបមួយ រហូតដល់ឡើងកម្ដៅនិងឆេះរលួយ ដែលធ្វើឲ្យមានការភ្ញាក់ផ្អើលដល់ប្រិយមិត្ត ដែលនិយមលេង Facebook មួយចំនួន។ ការសាកថ្ម រហូតធ្វើឲ្យឆេះរលួយទូរសព្ទនេះ អាចមានកត្តាជាច្រើន។ ហេតុនេះ Sabay បានសាកសួរអ្នកជំនាញខាងទូរសព្ទ ហើយក៏ទទួលបានការបកស្រាយដូចខាងក្រោមនេះ។

យោង តាមលោក បូវី ឈុនឡេង ប្រធានក្រុម Cambodia Android User Group ដែលជាអ្នកជំនាញ ផ្នែក Smartphone មួយរូបបានឆ្លើយតបថា មានកត្តាជាច្រើនដែលលោកកត់សម្គាល់ឃើញ ក្នុងនោះអាចបណ្ដាលមកពីការប្រើប្រាស់ចរន្តអគ្គិសនីខ្លាំងពេក ឬមកពីការប្រើប្រាស់ USB Charger មិនមែន Original។ ក្រៅពីនេះ ក៏អាចមកពីទូរសព្ទទាំងនោះ បានបំបែកប្រព័ន្ធដំណើរការណ៍ដើម្បីអាចប្រើប្រាស់កម្មវិធីមួយចំនួនទៀត។
លោក បន្ថែមទៀតថា វាក៏អាចបណ្តាលមកពីការប្រើប្រាស់ដំណើរការ Overclock CPU ខ្ពស់ខ្លាំងពេក ទើបធ្វើឲ្យ Samrtphone ឆាប់ឡើងកម្តៅនោះដែរ។ យ៉ាងណា លោកបញ្ជាក់ថា បញ្ហានេះកើតចំពោះ Smartphone តែមួយលើ ១លានគ្រឿងប៉ុណ្ណោះ។
ចុងក្រោយ លោកក៏សូមសំណូមពរអ្នកប្រើប្រាស់ទាំងឡាយ ត្រូវប្រុងប្រយ័ត្តនូវការសាកថ្មទូរសព្ទមិនថា Smartphone ឬក៏ Smart Device ប្រភេទណាទេគឺត្រូវគិតគូរពីបញ្ហានេះ។
មើលគន្លឹះខ្លីៗពីការប្រើប្រាស់ទូរសព្ទ សូមចុចត្រង់នេះ។
អត្ថបទ៖ អិន ដារ៉ាឆាលី

Read User's Comments0

Nokia បញ្ចេញ Asha ស៊េរីថ្មីថាមពលថ្មខ្លាំងកាន់បាន១ ខែមិនគួរឲ្យជឿ

11:41 PM |

ផ្សាយក្នុងផ្នែក ផលិតផលថ្មី ដោយ dy.bunnara កាលពី 3 hours ago

ទូរសព្ទ Asha ស៊េរីថ្មីមួយម៉ូដែលទៀតរបស់ក្រុមហ៊ុន Nokia គឺ Asha 501 បានបង្ហាញរូបរាងជាផ្លូវការហើយ ហើយដែលល្បីថាមានថាមពលថ្មខ្លាំង អាចបើកចោលទុកចោលរហូតដល់ជាង ១ ខែ ដោយគ្មានបារម្ភពីការអស់ថាមពលនោះទេ។ ជាមួយគ្នានេះ ទូរសព្ទស៊េរីថ្មីនេះ ក៏ទើបតែត្រូវគេនាំចូល និងប្រកាសដាក់លក់លើទីផ្សារប្រទេសកម្ពុជាកាលពីរសៀលម្សិលមិញនេះ។

ក្រៅ ពីមានថាមពលថ្មខ្លាំងមិនគួរឲ្យជឿ Asha 501 ត្រូវបានគេរចនារូបរាងតូចច្រឡឹង និងទម្ងន់ត្រឹមតែ ៩៨ ក្រាមតែប៉ុណ្ណោះ ជាមួយជម្រើសពណ៌មានដូចជា ខៀវ, ក្រហម, លឿង, បៃតង, ខ្មៅ និងស។
Asha 501 បានប្រើប្រាស់អេក្រង់ Capacitive Touch Screen ជាមួយការបំពាក់បច្ចេកវិទ្យា Wifi សម្រាប់តភ្ជាប់ការប្រើប្រាស់អ៊ីនធឺណិត និងមានកម្មវិធីបណ្តាញសង្គមមួយចំនួនដូចជា Facebook, Twitter, និងកម្មវិធី Chat ដូចជា Line, Nimbuzz និង WeChat ។ បន្ថែមពីនេះ វាក៏នាំមកជាមួយកាមេរ៉ា 3.2 MP និងកាតមេម៉ូរី 4GB និងដែលអាចបន្ថែមដល់ទៅ 32 GB សម្រាប់ផ្តល់លទ្ធភាពកាន់តែខ្ពស់ក្នុងការផ្ទុករូបភាព, វីដេអូ និងឯកសារផ្សេងៗ។
លក្ខណៈគួរឲ្យចាប់អារម្មណ៍មួយទៀតរបស់ Asha 501 គឺ User Interface ថ្មី ដែលផ្ទៃអេក្រង់បង្ហាញមានពីរទំព័រគឺទំព័រ Home និង Fastland។ ទំព័រ Home ផ្ទុកកម្មវិធីទាំងឡាយនៃទូរសព្ទ ហើយទំព័រ Fastland បង្ហាញកម្មវិធីទាំងឡាយដែលអ្នកប្រើប្រាស់ទើបបើករួច កំពុងប្រើ និងកម្មវិធីបង្ហាញកាលវិភាគនៅពេលខាងមុខ។ ទំព័រនេះដែរ ក៏ទ្រទ្រង់កម្មវិធីបណ្តាញសង្គម ដោយអាចឲ្យអ្នកប្រើប្រាស់ Update នៅលើ Facebook ដោយផ្ទាល់នៅលើទំព័រនេះដែរ។
ទូរសព្ទស៊េរីថ្មី នេះ ដែលអាចអានភាសាខ្មែរបាននេះ ត្រូវបានក្រុមហ៊ុន Nokia ដាក់លក់ក្នុងតម្លៃជាង ៩៩ ដុល្លារនៅលើទីផ្សារ។
លោក Jerry Manus អគ្គនាយកនៃក្រុមហ៊ុន Nokia ប្រចាំប្រទេសកម្ពុជា ឡាវ ឲ្យដឹងថា ទូរសព្ទធុនមធ្យមរបស់ Nokia កំពុងវាយលុកនិងទទួលបានការគាំទ្រយ៉ាងខ្លាំងពីអតិថិជនកម្ពុជា។ ការចេញទូរសព្ទកម្រិតតម្លៃក្រោម ១០០ ដុល្លារនេះ ដើម្បីបំពេញបំណងក៏ដូចជាផ្តល់លទ្ធភាពពលរដ្ឋកម្ពុជាដែលមានកម្រិត ជីវភាពមធ្យមអាចទទួលបានទូរសព្ទដ៏ទំនើប តម្លៃថោកយកទៅប្រើប្រាស់តាមតម្រូវការផ្សេងៗ។

Read User's Comments0

អភិបាលខេត្តចេញមុខដោះស្រាយបញ្ចប់វិវាទអគ្គិសនីនៅក្នុងក្រុងប៉ោយប៉ែតមកនៅត្រឹមតម្លៃ១៣០០រៀល

11:06 PM |

បន្ទាយមានជ័យ ៖ លោក ទ្រី ណារិន អភិបាលខេត្តបន្ទាយមានជ័យបានរកដំណោះស្រាយបញ្ចប់បញ្ហាតំលៃអគ្គិសនី ដែលថ្លៃខុសពីភូមិជិតខាងក្នុងឃុំកូប ស្រុកអូរជ្រៅ និងក្នុងសង្កាត់និមិត្តក្នុងក្រុងប៉ោយប៉ែតខេត្តបន្ទាយមានជ័យដោយ អោយតម្លៃចុះមកនៅត្រឹម១៣០០រៀលក្នុងមួយគីឡូវ៉ាត់ម៉ោង។ ការបញ្ចប់វិវាទនេះបានសម្រេចកាលពីរសៀលថ្ងៃទី ១០ កក្កដា ២០១៣ ហើយត្រូវបានប្រជាពលរដ្ឋសាទរចំពោះការរកដំណោះស្រាយនេះ។

លោក ទ្រី ណារិន អភិបាលខេត្តបន្ទាយមានជ័យនៅចំពោះមុខប្រជាពលរដ្ឋនៃស្រុកអូរជ្រៅ និងក្រុងប៉ោយប៉ែតបានមានប្រសាសន៍ថា ក្រោយពីប្រជាពលរដ្ឋនាំគ្នាតវ៉ាទៅសាលាខេត្តអោយលោកជួយដោះស្រាយ អំពីបញ្ហាអគ្គិសនីរួចមក លោកបានខិតខំតាមរយៈលោកឧបនាយករដ្ឋមន្រ្តី កែវ គឹមយ៉ាន និងលោកឧបនាយករដ្ឋមន្រ្តី យឹម ឆៃលី ជាសមាជិកអចិន្រ្តៃយ៍គណបក្សប្រជាជនចុះជួយខេត្តបន្ទាយមានជ័យ បានជួបជាមួយអាជ្ញាធរអគ្គិសនីសុំអោយបញ្ចុះតំលៃភ្លើងជូនបងប្អូន រហូតដល់ថ្ងៃទី៩ កក្កដា ទើបបានលទ្ធផលដោយបញ្ចុះតំលៃភ្លើងពីសេវាករអគ្គិសនីកូបនិមិត្ត ក្នុងតម្លៃពី ១២បាតជាលុយបាតមកត្រឹមតែ១៣០០រៀលក្នុងមួយគីឡូវ៉ាត់ម៉ោងចាប់ពី ខែកក្កដានេះទៅ។រហូតដល់២ទៅ៣ខែទៀតនឹងបញ្ចុះបន្ថែមទៀត ត្រឹម១២០០រៀលក្នុងមួយគីឡូវ៉ាត់ម៉ោង។ ដោយឡែកចំពោះបញ្ហាកុងទ័រភ្លើងដែលបងប្អូនថា ដើរលឿនលោកនឹងចាត់អោយខាងអគ្គិសនីខេត្តដោះកុងទ័រយកទៅធ្វើការ ថ្លឹងត្រួតពិនិត្យមើលឡើងវិញ ។ លោកបន្តអោយដឹងទៀតថា នេះជាការលំបាកណាស់ដែលខាងអាជ្ញាធរអគ្គិសនីព្រមបញ្ចុះតំលៃជូនបង ប្អូន ។

គួរ បញ្ជាក់ថា បញ្ហាភ្លើងនិងកុងទ័រដើរមិនប្រក្រតីនេះត្រូវបានប្រជាពលរដ្ឋចំនួន ៥ភូមិនៅសង្កាត់និមិត្ត ក្រុងប៉ោយប៉ែត ដែលរស់នៅជាប់ព្រំប្រទល់និងឃុំកូបស្រុកអូរជ្រៅ ប្រមាណជា១០០នាក់បានទៅមុខសាលាខេត្តបន្ទាយមានជ័យ កាលពីថ្ងៃទី១ កក្កដា ២០១៣ សុំអោយអាជ្ញាធរខេត្ត ឬតំណាងរាស្រ្តជួយអន្តរាគមន៍បញ្ចុះតំលៃអគ្គិសនីពីសេវាករកូប និមិត្តដែលតំលៃភ្លើងក្នុង១គីឡូវ៉ាត់ម៉ោងតំលៃ១២បាតមកអោយត្រឹម ១០០០រៀលឬក៏៦បាត ។

នា ពេលនោះខាងអាជ្ញាធរខេត្តបានសន្យានឹងជួយដោះស្រាយអោយបានក្នុង រយៈពេល៩ថ្ងៃ។ តាមការសន្យានេះអាជ្ញាធរខេត្តដោយមានលោក ទ្រី ណារិន ជាអភិបាលខេត្តពិតជាបានដោះស្រាយអោយពួកគាត់ទាន់ពេលវេលាទោះបី ជាមិនបានទៅតាមការស្នើសុំរបស់ពួកគាត់យ៉ាងណាក៏ដោយ ក៏លោកបានដោះស្រាយមកនៅត្រឹមតែ១៣០០រៀលធ្វើអោយពួកគាត់អាចទទួល យកបាន ។ ប្រជាពលរដ្ឋ ទាំងនោះបានអោយដឹងថា ដើម្បីឆ្លើយតបនិងការខិតខំរបស់អាជ្ញាធរខេត្តក៏ដូចជាលោកឧបនាយក រដ្ឋមន្រ្តីទាំង២ពួកគាត់នឹងបោះឆ្នោតជូនគណបក្សប្រជាជនកម្ពុជា ដើម្បីគាំទ្រសម្តេចតេជោ ហ៊ុន សែន ជានាយករដ្ឋមន្ត្រីបន្តទៀត ។ ព្រោះថា មានតែគណបក្សប្រជាជនតែមួយគត់ដែលតែងតែគិតគូរពីសុខទុក្ខ និងការលំបាករបស់ប្រជាពលរដ្ឋ ៕

Read User's Comments0

ក្លិប៣នៅអ៊ីតាលីរងការពិន័យរឿងពុករលួយ

10:57 PM |

ផ្សាយក្នុងផ្នែក ព័ត៌មានកីឡា ដោយ soksovath កាលពី 8 mins ago

ក្លិបនៅអ៊ីតាលីចំនួន៣ គឺ Lazio, Genoa និង Lecce អាចប្រឈមមុខនឹងការពិន័យដោយកាត់ពិន្ទុ ជុំវិញរឿងអាស្រូវពុករលួយ និយាយឲ្យចំគឺការកំណត់លទ្ធផលប្រកួតទុកមុន។ ក្រៅពីពិន័យក្លិបទាំង៣នេះ កីឡាករចំនួន ៨នាក់ក៏ត្រូវរងការចោទប្រកាន់ពីសហព័ន្ធកីឡាបាល់ទាត់ប្រទេសអ៊ីតាលីផងដែរ ពីបទទទួលសំណូក។

ការ ប្រកួតដែលកំពុងរងការស៊ើបអង្កេត គឺការប្រកួត២ដងចុងក្រោយរបស់ Lazio កាលពីដំណាច់រដូវកាល ២០១០-២០១១ ពោលគឺពេល Lazio ឈ្នះ Genoa ៤-២ នៅដីខ្លួនឯង និងឈ្នះ Lecce ៤-២ ដូចគ្នានៅក្រៅដី។

Stefano Mauri ប្រធានក្រុម Lazio ដែលរងការពិន័យ

ចំណែក កីឡាករ៨រូបដែលរងការចោទប្រកាន់រួមមាន Stefano Mauri (Lazio). Omar Milanetto (Genoa), Massimiliano Benassi, Stefano Ferrario, Antonio Rosati (ទាំង៣រូបរបស់ក្រុម Lecce) និងកីឡាករ៣រូបទៀតដែលជាប់សង្ស័យដែរនោះ រួមមាន Mario Cassano និង Carlo Gervasoni (ក្រុម Piacenza) និងកីឡាករ Alessandro Zamperini មកក្រុមនៅលីកលំដាប់ក្រោម Fidene។ យ៉ាងណាក្ដី ការជាប់ពាក់ព័ន្ធរបស់កីឡាករ៣នាក់ចុងក្រោយ គឺមិនទាន់ច្បាស់នៅឡើយទេ។

សវនាការ ជំនំជម្រះករណីនេះ នឹងត្រូវធ្វើឡើងនៅនៅថ្ងៃទី២៤ ខែកក្កដា ខាងមុខនេះហើយ។ ចាំមើលមើល៍ ថាតើដាក់ពិន័យម្ដងហើយម្ដងទៀត អាចធ្វើឲ្យរឿងអាស្រូវពុករលួយក្នុងពិភពបាល់ទាត់អ៊ីតាលីរលត់ សូន្យសុងបានដែរឬទេ?

ប្រែសម្រួល៖ សុខ សុវត្ថិ
ប្រភព៖ bbc

Read User's Comments0

ជិះម៉ូតូមិនគោរព ភ្លើងស្តុបត្រូវ រថយន្តបុក ប៉ើងជិត១០ម៉ែត្រ

10:53 PM |

ភ្នំពេញ៖ យុវជនម្នាក់ ដែលស្លៀកពាក់ ក្នុងឯកសណ្ឋាន សិស្សសាលា ត្រូវបានរថយន្តបុកចំពាក់ កណ្តាលម៉ូតូ យ៉ាងពេញទំហឹង បណ្តាលឱ្យខ្ទាតប៉ើង ជិត១០ម៉ែត្រ ខណៈដែលយុវជនម្នាក់នេះ បើកម៉ូតូមិនគោរពភ្លើង សញ្ញាចរាចរ។ ហេតុការណ៍គ្រោះថ្នាក់ចរាចរខាងលើនេះ បានកើតឡើងកាល ពីវេលាម៉ោង៩ ព្រឹកថ្ងៃទី១១ ខែកក្កដា ឆ្នាំ២០១៣ ស្ថិតនៅចំណុចភ្លើងស្តុប រង្វង់មូលនាងគង្ហឹង។
ប្រភពពីសាក្សីដែលបានឃើញហេតុការណ៍ បាននិយាយប្រាប់ឱ្យដឹងថា ហេតុការណ៍គ្រោះថ្នាក់នេះបាន កើតឡើងបណ្តាលមកពីយុវជនម្នាក់នេះ ជិះម៉ូតូមិនគោរព ច្បាប់ចរាចរ ខណៈដែលភ្លើងសញ្ញាបញ្ជាឱ្យឈប់ ប៉ុន្តែរូបគេបែរ ជាបន្ថែមល្បឿង ឆ្លងកាត់ សិទ្ធិអាទិភាពផ្លូវ ដែលតម្រូវឱ្យភាគីម្តាងទៀត ធ្វើដំណើរឆ្លងកាត់ដែរនោះ។
ប្រភពដដែលបានបន្តថា មុនពេលកើតហេតុ គេបានឃើញយុវជនម្នាក់ ជិះម៉ូតូសង់ សេរីឆ្នាំ២០១១ក្នុងគោលដៅ ពីលិចទៅកើត ខណៈមកដល់ចំណុចភ្លើងស្តុប ខាងលើគេមិនបានបង្អង់ល្បឿន ដើម្បីឈប់តាមការបញ្ជារបស់ភ្លើងសញ្ញា ដែលលោតពណ៌លឿង នោះទេ ផ្ទុយទៅវិញបែរ ជាបន្ថែមល្បឿនកាន់តែលឿន ប៉ុន្តែដោយឆ្លងមិនផុត ក៏ត្រូវរថយន្តដែលធ្វើដំណើរឆ្លងកាត់ ក្នុងទិសដៅពីត្បូងទៅជើងបុកចំពាក់កណ្តាលម៉ូតូបណ្តាល ខ្ទាតប៉ើងប្រហែលជា១០ម៉ែត្ររងរបួសធ្ងន់។ ក្រោយពីកើតហេតុការណ៍ ភ្លាមៗនោះរថយន្ត និង ម៉ូតូ ត្រូវបានសមត្ថកិច្ចចរាចរ ប្រចាំនៅចំណុចគោលដៅ ខាងលើ បានអូសយកមកដាក់នៅកៀនផ្លូវ ដើម្បីបញ្ជាសការកកស្ទះចរាចរ ។
ចំណែកឯកជនរងគ្រោះត្រូវបាន ប្រជាពលរដ្ឋជូយសង្គ្រោះ និងបានទូរស័ព្ទហៅរថយន្តពេទ្រ ដើម្បីមកដឹកយក ទៅព្យាបាល។ រថយន្តបង្កគ្រោះថ្នាក់ខាងលើម៉ាកកាម៉ារីឆ្លាម ព័ណត្រីឆ្លូញ

Read User's Comments0

ស្ថានភាពឃោសនាបោះឆ្នោតក្នុងរយៈពេល១០ថ្ងៃ

10:41 PM |

យុទ្ធនាការឃោសនាបោះឆ្នោតបានដំណើរការជាង ១០ថ្ងៃមកហើយ។ ក្នុងរយៈពេលជាង ១០ថ្ងៃមកនេះ មានបាតុភាពជាច្រើនកើតឡើង ប៉ុន្តែស្ថានភាពនេះនៅតែល្អជាង បើធៀបក្នុងរយៈពេលដូចគ្នាជាមួយការឃោសនាបោះឆ្នោតអាណត្តិទី៤ កន្លងទៅ។

ដោយ កែវ និមល
2013-07-11

មន្ត្រីអង្កេតរបស់អង្គការសិទ្ធិមនុស្ស ដែលតាមពិនិត្យការឃោសនាបោះឆ្នោត បានវាយតម្លៃថា ក្នុងរយៈពេលយុទ្ធនាការឃោសនាជាង ១០ថ្ងៃកន្លងមកនេះ មានអំពើហិង្សា និងរំលោភច្បាប់ជាច្រើនកើតឡើង ដូចជាការរំខានក្បួនឃោសនា ការបញ្ចេញឥរិយាបថគំរាមកំហែងពីសំណាក់អាជ្ញាធរមូលដ្ឋាន និងគណៈគ្រប់គ្រងភូមិ ការប្រមូលអត្តសញ្ញាណប័ណ្ណ ការប៉ះទង្គិចដោយសារហែក្បួនជាន់គ្នាលើដងផ្លូវតែមួយជាដើម។
លោក ចាន់ សុវ៉េត អនុប្រធានក្រុមអង្កេតរបស់អង្គការការពារសិទ្ធិមនុស្សអាដហុក (ADHOC) បានឲ្យដឹងនៅថ្ងៃទី១០ កក្កដា ថា ក្នុងរយៈពេលយុទ្ធនាការឃោសនាបោះឆ្នោតនេះនៅតាមខេត្ត ស្រុក ភូមិមួយចំនួន មានការប្រមូលអត្តសញ្ញាណប័ណ្ណប្រជាពលរដ្ឋ ថាយកទៅផ្ទៀងឈ្មោះក្នុងបញ្ជីបោះឆ្នោត មានការប្រើទ្រព្យសម្បត្តិរដ្ឋយកទៅឃោសនា មានការចែកអំណោយទិញទឹកចិត្តអ្នកបោះឆ្នោតនៅតាមជនបទ មានការដាក់សម្ពាធលើប្រជាពលរដ្ឋឲ្យបោះឆ្នោតឲ្យគណបក្សកាន់អំណាច។ ល។
លោក ចាន់ សុវ៉េត៖ «ដំណើរការឃោសនាបោះឆ្នោតរបស់គណបក្សនយោបាយជាង ១០ថ្ងៃនេះ កើតមានភាពមិនប្រក្រតីកើតឡើងដោយដុំៗ វាមិនមែនកើតឡើងជាប្រព័ន្ធ។ អ៊ីចឹងវាកើតឡើងដោយសារបុគ្គលដែលគាត់ផ្កាប់មុខខ្លាំង ដោយសារគាត់ជឿជាក់លើគណបក្សគាត់។ អ្នកប្រព្រឹត្ត គឺអ្នកគាំទ្រគណបក្សកាន់អំណាចសព្វថ្ងៃ»។
លោក ចាន់ សុវ៉េត បាននិយាយថា បាតុភាពថ្មីដែលប្រជាពលរដ្ឋភាគច្រើនតវ៉ាថ្មីៗនេះ គឺការដែលសមាជិកគណបក្សប្រជាជនកម្ពុជា ចុះទៅបង្រៀនប្រជាពលរដ្ឋឲ្យគូសសន្លឹកឆ្នោត។
ចំណែកលោក អំ សំអាត មន្ត្រីអង្កេតរបស់អង្គការការពារសិទ្ធិមនុស្សលីកាដូ (LICADHO) មានប្រសាសន៍ថា ការរំខានក្បួនឃោសនាដែលលេចធ្លោជាងគេក្នុងពេលឃោសនានេះ គឺកើតមាននៅសង្កាត់ផ្សារដើមថ្កូវ រាជធានីភ្នំពេញ កាលពីថ្ងៃទី៥ កក្កដា កន្លងទៅ ដោយមានការវាយតប់ និងបាញ់កាំភ្លើងគំរាមមនុស្សហែក្បួនឃោសនារបស់គណបក្សសង្គ្រោះជាតិ។
លោក អំ សំអាត៖ «យើងឃើញកើតមាននៅទីក្រុង និងខេត្តមួយចំនួន គឺនៅពេលសមាជិកគណបក្សសង្គ្រោះជាតិ ទៅហែមានការកត់ឈ្មោះ នេះជាការគំរាមកំហែងជាប្រយោលមួយមកពីអាជ្ញាធរដែរ។ មានការគំរាមកំហែងបែបបុគ្គល។ មួយទៀតមានការប្រមូលអត្តសញ្ញាណប័ណ្ណ ដើម្បីយកទៅផ្ទៀងឈ្មោះក្នុងបញ្ជីជាដើម នេះជាការមិនត្រូវច្បាប់ទេ»។
លោក អំ សំអាត កត់សម្គាល់បាតុភាពមួយទៀត កើតមាននៅទីប្រជុំជន គឺទីកន្លែងសំខាន់ៗដែល ប្រមូលផ្ដុំមនុស្សច្រើន ត្រូវសមាជិកគណបក្សប្រជាជនកម្ពុជា គ្រប់គ្រងកាន់កាប់ជាហេតុធ្វើឲ្យគណបក្សផ្សេងទៀតពិបាកទៅឃោសនានៅ ទីនោះ។
ប៉ុន្តែបើទោះបីជាមានបញ្ហាខ្លះ ក្នុងរយៈពេលឃោសនាជាង ១០ថ្ងៃកន្លងទៅនេះ មន្ត្រីអង្កេតរបស់អង្គការការពារសិទ្ធិមនុស្ស បានទទួលស្គាល់ថា ប្រៀបធៀបជាមួយពេលកន្លងទៅ គេមើលឃើញថា សមាជិកគ្រប់គណបក្សនយោបាយ មានការយល់ដឹង និងចាស់ទុំជាងមុនច្រើន ក្នុងការប្រើពាក្យពេចន៍ឃោសនា និងមានការអត់ធ្មត់ យោគយល់គ្នាច្រើននៅពេលក្បួនឃោសនាហែទៅប៉ះជួបជាមួយគ្នាម្តងៗ។
ទាក់ទងជាមួយបាតុភាពផ្សេងៗ ក្នុងរយៈពេលយុទ្ធនាការឃោសនាជាង ១០ថ្ងៃកន្លងទៅនេះ លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា គិតមកទល់ថ្ងៃទី១០ កក្កដា គណៈកម្មាធិការរៀបចំការបោះឆ្នោត ថ្នាក់ឃុំ សង្កាត់ ទូទាំងប្រទេស បានទទួលពាក្យបណ្ដឹងចំនួន ១៥០ករណី។ ក្នុងចំណោម ១៥០ពាក្យបណ្ដឹងនោះ ដោះស្រាយហើយបានចំនួន ៩៣ពាក្យបណ្ដឹង។
លោក ទេព នីថា៖ «ឥឡូវនេះ គ.ជ.ប និងគណៈកម្មការរៀបចំការបោះឆ្នោតគ្រប់ឃុំ សង្កាត់ កំពុងរៀបចំ ដោះស្រាយពាក្យបណ្ដឹងទាក់ទងជាមួយការបោះឆ្នោត។ មកដល់ពេលនេះ ថ្នាក់ឃុំសង្កាត់ទទួលបានបណ្ដឹង ១៥០ ហើយ នៅសល់ ៥៧បណ្ដឹងកំពុងដោះស្រាយ។ នៅថ្នាក់ខេត្ត ទទួលពាក្យបណ្ដឹង ២០ ដោះស្រាយបាន ១៣ ហើយ។ នៅថ្នាក់ជាតិ បានទទួលបណ្ដឹង ៤ បានដោះស្រាយ ២ ហើយនៅសល់២»។
លោក ទេព នីថា បានឲ្យដឹងថា ពាក្យបណ្ដឹងទាំងនោះមានទាក់ទងការខូចខាតសម្ភារៈ ឃោសនាបោះឆ្នោត ការហែកផ្លាក ការបិទស្លាកឃោសនា ការរារាំងរំខានការឃោសនា ការជេរប្រមាថ ការបំភិតបំភ័យ និងអំពើហិង្សា។ ចំពោះពាក្យបណ្ដឹងទាក់ទងអំពើហិង្សា មាន ៤ករណី និងពាក្យបណ្ដឹងទាក់ទងការប្រមាថ និងការបំភិតបំភ័យ មាន ១១ករណី។
ប្រតិទិននៃការបោះឆ្នោតជ្រើសតាំងតំណាងរាស្ត្រនីតិកាលទី៥ ឆ្នាំ២០១៣ បានចែងថា រយៈពេលឃោសនា ចាប់ផ្ដើមពីថ្ងៃទី២៧ មិថុនា ដល់ថ្ងៃទី២៦ កក្កដា ឆ្នាំ២០១៣។ មានគណបក្ស ចំនួន ៨ ចូលរួមប្រកួតនៅក្នុងការបោះឆ្នោតនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

Read User's Comments0

ជិះម៉ូតូលឿន ច្រាសទិស បុកម៉ូតូ អ្នកគ្រូពេទ្យ វ័យក្មេង បាក់ជើងស្តាំងម្ខាង

1:19 AM |

ភ្នំពេញៈ បុរសម្នាក់មិនស្គាល់អត្តសញ្ញាណ បានជិះម៉ូតូមួយគ្រឿងលឿន ដូចហោះ ច្រាសទិសបោះពួយ ទៅបុកម៉ូតូមួយគ្រឿងទៀត បណ្តាលឲ្យ នារីក្មេងម្នាក់ ដែលគេដឹងថា ជានិស្សិតសាលាពេទ្យ រងរបួសបាក់កជើងខាងស្តាំម្ខាង និងប្អូនប្រុសម្នាក់រងរបួសស្រាល ហេតុការណ៍នេះ កើតឡើង កាលពីវេលាម៉ោង ១៣និង២៥នាទី ថ្ងៃទី៦ខែកក្កដា ឆ្នាំ២០១៣ ស្ថិតនៅតាមបណ្តោយ ផ្លូវជាតិលេខ៤ ភូមិជម្ពូវ័ន្ត សង្កាត់ចោមចៅ ខណ្ឌពោធិ៍ សែនជ័យ រាជធានីភ្នំពេញ។
នគរបាលបានឲ្យដឹងថា នារីរងគ្រោះមានឈ្មោះ ម៉ាក់ ម៉ាលីន អាយុ ២១ឆ្នាំ មានមុខរបរ ជានិស្សិតសាលាពេទ្យ ផ្នែកឡាបូ ក្រសួងសុខាភិបាល រស់ នៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រងរបួសបាក់កជើងខាងស្តាំ និងម្នាក់ទៀត ត្រូវជាប្អូនប្រុស ជនរងគ្រោះមាន ឈ្មោះ ធី ឈានឡុង អាយុ ១៥ឆ្នាំ ជិះពីក្រោយ រងរបួសស្រាល អ្នកទាំងពីរជិះម៉ូតូមួយគ្រឿង ម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០១១ ពាក់ស្លាកតាកែវ 1F-4217 រងការខូចខាត ផ្នែកខាងមុខ ចំណែកម៉ូតូបង្កម៉ាកហុងដា សេ១២៥ ពណ៌ខ្មៅ ស៊េរី២០១០ ពាក់ស្លាកកំពង់ស្ពឺ 1C-1547 ជិះម្នាក់ឯង បន្ទាប់ ពីកើតហេតុ អ្នកបើកបរម៉ូតូបង្កគេចខ្លួនបាត់ បន្សល់ទុកម៉ូតូចោល នៅនឹងកន្លែងកើតហេតុ។
នគរបាលបានបន្តទៀតថា មុនពេលកើតហេតុ ម៉ូតូជនរងគ្រោះជិះ ក្នុងទិសដៅពីលិចទៅកើតនៅខាង ស្តាំងដៃ ដោយឌុបប្អូនប្រុសម្នាក់ពីក្រោយ លុះ ដល់ចំណុចកើតហេតុ ស្រាប់តែមានម៉ូតូជិះម្នាក់ឯង ច្រាសទិសក្នុងល្បឿនលឿន ដូចព្យុះជ្រុល មកបុកម៉ូតូនារីរងគ្រោះ យ៉ាងពេញទំហឹង បណ្តាលឲ្យ នារីរងគ្រោះ គៀបបាក់ជើងខាងស្តាំម្ខាង រីឯប្អូនប្រុសរបស់នារីរងគ្រោះ គ្រាន់តែរងរបួស បន្តិចបន្តួចប៉ុណ្ណោះ ។
ក្រោយពេលកើតហេតុ នគរបាលមូលដ្ឋាន ចុះទៅអន្តរាគមន៍ បានហៅរថយន្តសង្គ្រោះ របស់អង្គភាព៧ ១១កងពលតូច លេខ៧០ ដឹកយកទៅកាន់ មន្ទីរពេទ្យព្រះកុសមៈ ហៅមន្ទីរពេទ្យលោកសង្ឃ ដើម្បីជួយសង្គ្រោះជីវិតបន្ទាន់ ហើយនៅក្នុងទិដ្ឋភាពនោះ គេឃើញមានយកចិត្តទុកដាក់ ពីក្រុមគ្រួ ពេទ្យព្រះកុសមៈ ក្នុងការជួយសង្គ្រោះ ដល់ជនរងគ្រោះ ដោយយកចិត្តទុកដាក់បំផុត ។
បច្ចុប្បន្នម៉ូតូទាំងពីរគ្រឿង ត្រូវបាននគរបាលចរាចរខណ្ឌ យកទៅរក្សាទុក ដើម្បីរង់ចាំភាគីទាំងសងខាង ចូលខ្លួនទៅដោះស្រាយគ្នា ជាក្រោយ៕

Saturday, 06 July 2013 14:56 ដោយ ៖ ដើមអម្ពិល(DAP): ID-014

Read User's Comments0

Galaxy S4 vs. Galaxy S4 Active (វីឌីអូ)

1:07 AM |

សម្រាប់ឆ្នាំ២០១៣ នេះក្រុមហ៊ុន Samsung បានធ្វើការផលិតទូរស័ព្ទទំនើបជាមួយនឹងឈ្មោះដែលភ្ជាប់ដោយ Samsung Galaxy S4 ជាច្រើនម៉ូដែលមានដូចជា Galaxy S4 ដែលជាឈ្មោះដើម Galaxy S4 mini, Galaxy S4 Active និង Galaxy S4 Zoom ហើយក្រុមហ៊ុនក៏នូវមានម៉ូដែល Galaxy S4 ម៉ូដែល Google Edition ផងដែរ ។
យ៉ាងណាមិញចំពោះទូរស័ព្ទទំនើប Galaxy S4 ដើម និង Galaxy S4 Active គឺសុទ្ធតែត្រូវបានបំពាក់ដោយអេក្រង់ដែលមានទំហំ 5-inch និងកម្រិតភាពច្បាស់ Full HD ដូចគ្នា ។ ដូចនេះតើទូរស័ព្ទទាំងពីរនេះមានលក្ខណៈពិសេសៗអ្វីខ្លះដែលដូច គ្នា និងខុសគ្នា ?

galaxy-s4-vs-galaxy-s4-active-aa-software

ការរចនាម៉ូដ ៖
ទូរស័ព្ទ Galaxy S4 និង Galaxy S4 Active ត្រូវបានរចនាផ្នែកខាងមុខប្រហាក់ប្រហែលគ្នា ប៉ុន្តែស្របពេលដែល Galaxy S4 មាន Home button ផុសអណ្ដែតតែមួយរីឯ buttons ពីរទៀតគឺនៅរាបស្មើនឹង Display របស់ទូរស័ព្ទ ចំពោះទូរស័ព្ទ Galaxy S4 Active គឺមាន button ផុសអណ្ដែតរហូតដល់ទៅបី គឺទាំង Menu, Home និង Back buttons ។ យ៉ាងណាមិញថ្វីបើសំបករបស់ទូរស័ព្ទទាំងពីរហាក់មានម៉ូដខុសគ្នា តែគឺសុទ្ធតែផលិតចេញពីប្លាស្ទិក និងអាចធ្វើការដោះដូរថ្មបាន ។

galaxy-s4-vs-galaxy-s4-active-aa-both-standing

Display ៖
ជាមួយនឹងអេក្រង់ទំហំ 5-inch កម្រិតភាពច្បាស់ 1080p (Full HD) និង 441pixels ក្នុង 1-inch ដូចគ្នា ទូរស័ព្ទ Galaxy S4 ដើម និង Galaxy S4 Active មិនត្រូវបានបំពាក់ដោយ display ដូចគ្នានោះទេ ផ្ទុយទៅវិញទូរស័ព្ទ Samsung Galaxy S4 ដើមគឺត្រូវបានបំពាក់ដោយ Super AMOLED display រីឯ Galaxy S4 Active បំពាក់ដោយ LCD display ។ ជាធម្មតា LCD display តែងមាននូវគុណវិបត្តិច្រើនជាង Super AMOLED display ប៉ុន្តែសម្រាប់ LCD display ដែលបំពាក់នៅក្នុង Galaxy S4 Active គឺនៅតែមានភាពស្រស់ស្អាត និងមានភាពប្រសើរជាង LCD display ដែលក្រៅពីនេះ ។
ចំពោះកញ្ចក់ការពារ Galaxy S4 ត្រូវបានបំពាក់ដោយ Gorilla Glasss 3 ដែលជាជំនាន់ចុងក្រោយនៃកញ្ចក់ Gorilla Glasss ប៉ុន្តែ Galaxy S4 Active មានបំពាក់ត្រឹម Gorilla Glass 2 ដែលជាជំនាន់ទីពីរទៅវិញ ។
លទ្ធភាពដំណើរការ (Performance) ៖
ក្នុងចំណុចនេះគេបានយកនូវទូរស័ព្ទ Galaxy S4 ដែលមានបំពាក់ដោយ CPU Snapdragon 600 1.9GHz ដែលជាប្រភេទដូចគ្នាទៅនឹងទូរស័ព្ទ Galaxy S4 Active ហើយក្រៅពីនេះទូរស័ព្ទទាំងពីរក៏មាននូវ GPU Andreno 320 និង RAM 2GB ដូចគ្នាផងដែរ ។

galaxy-s4-vs-galaxy-s4-active-aa-benchmark

ចំពោះការសាកល្បងល្បឿននៃទូរស័ព្ទតាមរយៈ ANTuTu បានបង្ហាញថា Galaxy S4 ហាក់មានពិន្ទុច្រើនជាង Galaxy S4 Active តាមលទ្ធផលនេះគេសង្ស័យថា វាអាចនឹងបណ្ដាលមកពីភាពខុសគ្នារវាង LCD display និង Super AMOLED display ?

galaxy-s4-vs-galaxy-s4-active-aa-performance

Hardware ៖

ចំពោះគ្រឿង hardware របស់ទូរស័ព្ទទាំងពីរគឺមានលក្ខណសម្បត្តិប្រហាក់ប្រហែលគ្នា ដោយមានបញ្ចូលនូវ sensor សម្រាប់ស្ទាបស្ទង់អាកាសធាតុ និងសំណើម នៅក្នុង S Health និង senosor ជាច្រើនទៀតសម្រាប់ ដៃ ភ្នែក និង air gestures (ការប្រើកាយវិការ) ជាដើម ។ យ៉ាងមិញ Galaxy S4 Active ត្រូវបានបំពាក់ដោយទំហំផ្ទុកទិន្នន័យតែមួយប្រភេទប៉ុណ្ណោះគឺ 16GB តែអាចបន្ថែមដោយ microSD card បាន ។ Galaxy S4 Active មានទម្ងន់ធ្ងន់ជាង និងក្រាសជាង Galaxy S4 ដើមបន្តិច គឺ 153 g ធៀបនិង 130 g ។
ដោយឡែកលក្ខណសម្បត្តិពិសេសរបស់ Galaxy S4 Active ដែលទូរស័ព្ទ Galaxy S4 ធម្មតាគ្មាននោះគឺ មិនជ្រាបទឹក ( waterproof) និង មិនចូលធូលី (dustproof) ដែលលក្ខណសម្បត្តិនេះគឺសំខាន់ខ្លាំងណាស់សម្រាប់រដូវវស្សានេះដែល ជារដូវមេឃទឹកភ្លៀង ។
ថ្ម និង កាមេរ៉ា ៖
ទូរស័ព្ទ Galaxy S4 និង S4 Active ត្រូវបានបំពាក់ដោយថ្មដែលមានថាមពល 2,600mAh ដូចគ្នា ។ ហើយតាមរយៈមុខងារ Power saving វានឹងអាចធ្វើឲ្យទូរស័ព្ទទាំងពីរ stand by បានជាច្រើនម៉ោង (312 h ទៅ 370 h) ។

galaxy-s4-vs-galaxy-s4-active-aa-battery

យ៉ាងណាមិញស្របពេលដែលកាមេរ៉ាមុខរបស់ទូរស័ព្ទទាំងពីរមាន ទំហំ 2MP ដូចគ្នា តែកាមេរ៉ាថតរូបធម្មតារបស់ទូរស័ព្ទ Galaxy S4 Active ត្រូវបានបំពាក់ដោយទំហំត្រឹមតែ 8MP ប៉ុណ្ណោះ មិនដូចជាកាមេរ៉ារបស់ Galaxy S4 ដើមដែលមានទំហំដល់ទៅ 13MP នោះទេ ដូច្នេះតើលទ្ធភាពនៃការថតរូបអាចនឹងខុសគ្នាឆ្ងាយឬទេ ? ក៏ប៉ុន្តែអ្វីដែលពិសេសនោះគឺ ទូរស័ព្ទ Galaxy S4 មិនអាចថតនៅក្នុងទឹកដូចជា Galaxy S4 Active នោះទេ ។

ដោយ Hok មានមតិ 0 6 ខែកក្កដា 2013

ទស្សនាវីឌីអូខាងក្រោម ៖

ចំពោះតម្លៃរបស់ Galaxy S4 Active នៅក្នុងទីផ្សារសហរដ្ឋអាមេរិកសម្រាប់ទូរស័ព្ទទាំងពីរដែលមាន CPU ដូចគ្នាគឺប្រហែល $700 unlocked ។ យ៉ាងណាមិញស្របពេលដែល Galaxy S4 ដែលមាន CPU Quad-core 1.6 GHz Cortex-A15 គឺតម្លៃប្រហែល $599 នៅក្នុងទីផ្សារកម្ពុជាបច្ចុប្បន្ន ពេលនេះយើងទើបទទួលបានព័ត៌មានថា ទូរស័ព្ទ Galaxy S4 Active បានចូលដល់ទីផ្សារកម្ពុជាយើងហើយជាមួយតម្លៃប្រហែល $580 ។ តើរវាង Galaxy S4 និង Galaxy S4 Active មួយណាដែលជាតួឯកនៅក្នុងចិត្តអ្នក ? ប្រភព

Read User's Comments0

វីដេអូពាណិជ្ជកម្ម Galaxy S4 ផ្ចាញ់ផ្ចាលឲ្យ Apple (Video Inside)

1:01 AM |

Saturday, 06 July 2013 14:06 ប្រែសម្រួលដោយ៖ LookingTODAY Posted by ID: 099

នៅមុនពេលក្រុមហ៊ុន Apple បង្ហាញស្មាតហ្វូន iPhone 5 ក្រុមហ៊ុន Samsung បានចេញនូវវីដេអូ ផ្សព្វផ្សាយ ពាណិជ្ជកម្មចំនួន ២ ទៅ ៣ ដែលសុទ្ធសឹង តែវីដេអូ ផ្ចាញ់ផ្ចាល ដល់ iPhone និងក្រុមហ៊ុន Apple។
ដោយឡែក កាលពីពេលថ្មីៗនេះ ក្រុមហ៊ុន Samsung បានចេញវីដេអូផ្សព្វផ្សាយ ពាណិជ្ជកម្ម Samsung Galaxy S4 ដែលនៅក្នុងវីដេអូ មិនបានផ្ចាញ់ផ្ចាល ឲ្យក្រុមហ៊ុន Apple ចំៗនោះទេ គ្រាន់តែផ្ចាញ់ផ្ចាល លក្ខណៈបញ្ឆិតបញ្ឆៀង។ បើទោះបីជា នៅក្នុងវីដេអូ មិនបាននិយាយអ្វី ប៉ុន្តែទិដ្ឋភាពបានបញ្ជាក់ថា Samsung មានចេតនាចង់ផ្ចាញ់ផ្ចាលដល់ Apple។
គួរបញ្ជាក់ផងដែរថា មិនមែនមានតែក្រុមហ៊ុន Samsung មួយនោះទេ ដែលមានវីដេអូផ្សព្វផ្សាយ ពាណិជ្ជកម្មផ្ចាញ់ផ្ចាល ឲ្យ Apple ឈឺៗនោះ សូម្បីតែ Nokia និង Microsoft ក៏ព្រួតដៃគ្នា វាយប្រហារ Apple ផងដែរ៕

Read User's Comments0

Where happiness comes true

Labels

flag

Total Pageviews

Popular Posts

Translate

Categories

Labels

About Me

ប្រទេសចូលទស្សនា

Archives

សើចហើយសើចទៀតមិនដឹងគួរឲ្យសើចត្រង់ណា(ពឹងរថភ្លើងដកធ្មេញ)

អ្នកជំនាញ Smartphone និយាយពីមូលហេតុសាកថ្មឡើងកម្ដៅរហូតដល់ឆេះ

Nokia បញ្ចេញ Asha ស៊េរីថ្មីថាមពលថ្មខ្លាំងកាន់បាន១ ខែមិនគួរឲ្យជឿ

អភិបាលខេត្តចេញមុខដោះស្រាយបញ្ចប់វិវាទអគ្គិសនីនៅក្នុងក្រុងប៉ោយប៉ែតមកនៅត្រឹមតម្លៃ១៣០០រៀល

ក្លិប៣នៅអ៊ីតាលីរងការពិន័យរឿងពុករលួយ

ជិះម៉ូតូមិនគោរព ភ្លើងស្តុបត្រូវ រថយន្តបុក ប៉ើងជិត១០ម៉ែត្រ

ស្ថានភាពឃោសនាបោះឆ្នោតក្នុងរយៈពេល១០ថ្ងៃ

ជិះម៉ូតូលឿន ច្រាសទិស បុកម៉ូតូ អ្នកគ្រូពេទ្យ វ័យក្មេង បាក់ជើងស្តាំងម្ខាង

Galaxy S4 vs. Galaxy S4 Active (វីឌីអូ)

Hardware ៖

វីដេអូពាណិជ្ជកម្ម Galaxy S4 ផ្ចាញ់ផ្ចាលឲ្យ Apple (Video Inside)