ជា​រៀងរាល់​ខែ សេវា​កម្សាន្ត​ម៉ុងហ្គោល​តែងតែ​រក​អ្វី​ថ្មី ហើយ​ប្លែក សម្រាប់​បំពេញ​តម្រូវ​ការ និង​បន្ថែម​ភាព​សប្បាយរីករាយ​ជូន​ដល់​កំពូល​អ្នក​ប្រយុទ្ធ​ទាំងអស់។ ប៉ុន្តែ​សម្រាប់​ខែ​សីហា​នេះ សេវា​កម្សាន្ត​ម៉ុងហ្គោល​បាន​ធ្វើ​ឲ្យ​ភ្ញាក់ផ្អើល​យ៉ាង​ខ្លាំង ដោយ​មិន​ត្រឹម​តែ​បាន​នាំ​មក​នូវ​ព្រឹត្តិការណ៍​ថ្មី​មក​បម្រើ​អារម្មណ៍​ របស់​ប្រិយមិត្ត​ទេ តែ​ថែម​ទាំង​បាន​រំលឹក​ពី​ព្រឹត្តិការណ៍​សត្វ​ចម្បាំង​តោ​មាស​ផង​ដែរ។
សម្រាប់​ព្រឹត្តិការណ៍​ថ្មី ក្រៅ​ពី​ការ​ប្រណាំង​សេះ​ ដែល​បាន​រៀបរាប់​កាល​ពី​ម្សិលមិញ នៅ​មាន​ព្រឹត្តិការណ៍​បំពេញ​បេសកកម្ម Class ផង​ដែរ។ កំពូល​អ្នក​ក្លាហាន​ទាំងអស់​ដែល​មាន​កម្រិត Level 80 ឡើង​ទៅ អាច​ចូលរួម​បំពេញ​បេសកកម្ម Class នេះ​បាន​ដោយ​គ្រាន់តែ​ធ្វើ​ដំណើរ​ទៅ​ទទួល​បេសកកម្ម​មួយ​ពី Master របស់ Class ​ដែល​មាន​ទីតាំង​នៅ​ក្នុង​ទីក្រុង Peking ដែល​បេសកកម្ម​នេះ​គឺ​តម្រូវ​ឲ្យ​ប្រិយមិត្ត​ស្វែងរក Broken Soul។ Broken Soul ហ្នឹង​អាច​បាន​នៅ​ឯណា​ទៅ?
វា​មិនមែន​ជា​ការ​ងាយ​ទេ​ក្នុង​ការ​ស្វែងរក Broken Soul! អ្នក​ប្រយុទ្ធ​ទាំងអស់​អាច​ទទួល​បាន Broken Soul ពី​ការ​សម្លាប់​មេ​បិសាច D.Haidu ដែល​មាន​ទី​លំនៅ​ក្នុង​ល្អាង​បិសាច ឬ Instance ទាំងអស់  និង​ការ​បំពេញ​បេសកកម្ម Triforce Ches ឬ​ការ​សម្លាប់​បិសាច​អាថ៌កំបាំង Overlord ដែល​បិសាច​ទាំង​នេះ​សុទ្ធ​តែ​មាន​យុទ្ធ​សិល្ប​ខ្លាំង​ពូកែ​ហួស​ពី​ការ​ស្មាន​របស់​ប្រិយមិត្ត។
បន្ទាប់​ពី​បាន​បំពេញ​បេសកកម្ម​នេះ ប្រិយមិត្ត​នឹង​ទទួល​បាន​អាវុធ​មួយ​ដែល​ពោរពេញ​ទៅ​ដោយ​កម្លាំង​ខ្លាំង​ពី​ គ្រូ​បង្ហាត់​វិជ្ជា​គុន​របស់​អ្នក ដែល​អាវុធ​នេះ​គឺ​បាន​ចោះ​រន្ធ​ចំនួន ៧ សម្រាប់​ឲ្យ​ប្រិយមិត្ត​ទុក​បន្ថែម​ត្បូង​ជា​ការ​ស្រេច រួម​ទាំង​ការ​បន្ថែម Attribute ដ៏​ច្រើន​លើសលប់​ទៅតាម​ប្រភេទ​នៃ Class នីមួយៗ​ផង​ដែរ។ អ្នក​ប្រយុទ្ធ​ថែមទាំង​អាច Upgrade អាវុធ​នោះ​ឲ្យ​កាន់​តែ​មាន Attribute ច្រើន​ជាង​មុន ជា​រៀងរាល់ 10 level ម្ដង​ផង​ដែរ បើសិនជា​អ្នក​មាន Broken Soul។
ចាំ​អង្កាល់​បាន​ទៅ​រក Broken Soul? បើ Broken Soul មួយ​គ្រាប់​សោះ អាច​ដូរ​បាន​អាវុធ​ដ៏​អស្ចារ្យ​មួយ​អី​ចឹង៕
អត្ថបទ៖ ភីឆាយ
ផ្សាយ​ក្នុង​ផ្នែក​ ហ្គេមអនឡាញ ដោយ vannrong