រាជធានី​ភ្នំពេញ​៖​ ម៉ូតូ​សេ១២៥មួយ​គ្រឿង​ជិះ​គ្នា​៣នាក់​ បាន​បើក​បោះ​ពួ​យ​យ៉ាង​លឿន​ជ្រុល​ទៅ​បុក​អ្នក​រត់​រ៉ឺម៉ក​ម៉ូតូ​​កង់​បី​ ដែល​កំពុងដើរ​​​ឆ្ល​ង​ផ្លូវ​បណ្ដាល​ឱ្យ​ដួល​​រង​របួស​ធ្ងន់​ និង​ស្រាល​​​ទាំង​អស់​គ្នា​ ហើយ​ត្រូវរថ​យន្ត​សង្រ្គោះ​របស់​អង្គ​ភាព ៧១១ មន្ទី​រពេទ្យ​កង​ពល​តូ​ច​លេខ​៧០ ដឹកយក​ទៅ​សង្រ្គោះ​នៅ​មន្ទី​រ​ពេទ្យ​បង្អែក​ពោធិ៍​ចិន​តុង​ភ្លាមៗ។

 ហេតុការណ៍​គ្រោះ​ថ្នាក់​ចរាចរណ៍​នេះបាន​កើត​ឡើង​ កាលពី​វេលាម៉ោង​៧ និង​៥០នាទី​យប់ថ្ងៃទី​​ ៤ មិថុនា​ ២០១៣ នៅ​លើ​កំ​ណាត់​ផ្លូវ​ជាតិ​លេខ​៣ ស្ថិត​ក្នុង​ភូមិ​ក្រាំង​​ដូន​ទៃ​ សង្កាត់​ចោម​ចៅ​ ខណ្ឌ​ពោធិ៍សែន​​ជ័យ។

ប្រភពព័ត៌​មាន​ឱ្យដឹង​ថា​ ជន​រងគ្រោះ​ទាំង​៤នាក់​នោះ​ ១.ឈ្មោះ​ម៉េង​​ ឈាង ភេទស្រី​ អាយុ​៤៣ឆ្នាំ​ ២.ឈ្មោះ​កែវ​​ បញ្ញា​ ភេទ​ប្រុស​​ អាយុ​១៩ឆ្នាំ​ ជា​សិស្សសាលា និង​ជា​អ្នក​បើក​បរ​ម៉ូតូ​ ៣.​ឈ្មោះ​កែវ​ ស៊ី​ថា​ ភេទ​ស្រី​ អា​យុ​៩ ឆ្នាំ ជាសិស្ស ។ ​ឈ្មោះ​ម៉េង​​ ឈាង​ត្រូ​វ​ជាម្ដាយ​បង្កើត​របស់​បញ្ញា និង​ស៊ីថា​​ ដែល​ស្នាក់​នៅ​បុរី​សន្តិភាព​២ សង្កាត់ចោមចៅ​ ខណ្ឌពោធិ៍​សែន​ជ័យ ក្រោយ​រង​គ្រោះ​​ត្រូវរថ​យន្ត​សង្រ្គោះ​របស់​អង្គ​ភាព​ ៧១១ មន្ទី​រពេទ្យ​កង​ពល​តូ​ច​លេខ​៧០ ដឹកយក​ទៅ​សង្រ្គោះ​នៅ​មន្ទី​រ​ពេទ្យ​បង្អែក​ពោធិ៍​ចិន​តុង​​។ ដោយ​ឡែក​ជន​រងគ្រោះ​ម្នាក់​ទៀត​ដែល​ជាអ្នកបើក​រ៉ឺ​ម៉ក​ម៉ូតូ​កង់បី​ឈ្មោះ​ នី​ ភេទប្រុស​ អាយុ​៥០ ស្នាក់​នៅ​បុរីខាងលើ​ដែរ ត្រូវ​ក្រុម​គ្រួសារ​ដឹកយកទៅ​សង្គ្រោះ​ដោយ​ខ្លួន​ឯង​៕