ប្រិយមិត្ត ​ធ្លាប់​តែ​ឃើញ​ក្រុមហ៊ុន​ Samsung ផលិត​ទូរស័ព្ទទំនើប​ខ្នាត​តូច​ដែល​ស្ថិត​ក្នុង​ស្រឡាយ​ Galaxy S ដូច​ជា​ Galaxy S3 mini និង​ Galaxy S4 mini ដោយឡែក​សម្រាប់​ពេល​នេះ​មាន​សេចក្ដីរាយការណ៍​ថា​ Samsung កំពុង​តែ​ត្រៀម​ចេញ​ទូរស័ព្ទទំនើប Galaxy Memo ដែល​គេ​ជឿ​ថា​ជា​ម៉ូដែល​ mini របស់​ទូរស័ព្ទទំនើ​ប​ដែល​ស្ថិត​ក្នុង​ស្រឡាយ​ Galaxy Note ។ បើយោង​តាម​ប្រភព​ពី UnwiredView បាន​ឲ្យ​ដឹង​ថា​ទូរស័ព្ទទំនើប​ Galaxy Memo ឬ Galaxy Note mini នឹង​មាន​លក្ខណសម្បត្តិបច្ចេកទេស​មួយ​ចំនួន​ដូច​ខាង​ក្រោម៖

• អេក្រង់ទំហំ 4.5-inch
• បច្ចេកវិទ្យា​អេក្រង់​ LCD
• កម្រិត​ភាព​ច្បាស់ 1,080p Full HD
• CPU Quad-core 1.4GHz
• RAM 2 GB
• កាមេរ៉ា​ទំហំ 8 MP
• មាន​ S Pen stylus
• ដំណើរការ​ដោយ Android 4.2.2 Jelly Bean

បញ្ជាក់៖ មក​ទល់​ពេល​នេះ​គ្មាន​ប្រភព​ណា​អាច​បង្ហាញ​ពី​រូបភាព​ពិត​របស់​ ទូរស័ព្ទទំនើប​ Galaxy Memo ឬ Galaxy Note mini នៅ​ឡើយ​ទេ ។ ប្រភព​ពី SamMobile បាន​បង្ហាញ​ពី​រូបភាព​របស់​ Galaxy Note mini ប៉ុន្តែ​បន្ទាប់​មក​​គេហទំព័រ​មួយ​នេះ​ក៏បញ្ជាក់​វិញ​ថា​វា​ជា​រូបភាព​ ក្លែងក្លាយ​ទេ ។ ដើម្បី​​ទស្សនា​រូបភាព​ពិត​របស់​ទូរស័ព្ទ​​ Galaxy Memo ឬ Galaxy Note mini សូម​ប្រិយមិត្ត​តាមដាន​ជា​មួយ​ពពក​ព្រោះ​ថា​​បើ​ក្រុមហ៊ុន​ពិត​ជា​​កំពុង​ ធ្វើ​ការ​លើ​ការងារ​នេះ​មែន​នោះ​មិន​យូរ​ទេ​​រូបភាព​ពិត​នឹង​ត្រូវ​បង្ហាញ ៕
រូបភាព​ដែល​ធ្លាប់​បង្ហាញ

ប្រភព